يابلادى ردى ع سؤالى . يامصرى ركز فى كلامى . حكامى خانونا ولا شعوبنا عقولها ماتت . بطونها جاعت . زمتها وسعت . جيوبها فضيت ؟؟
ايه اللى كان فى الماضى صح ؟
ليه الشمال دايما يكون شغال ؟ ليه اليمين دايما يكون عطلان ؟
ليه الوطن دايما يكون ظالم ؟
ليه الوطن دايما يكون مجنون ؟
ليه الوطن فى الغالب يكون فاسد ؟
ليه الوطن دايما يكون مكسور؟
ليه الوطن قاتل ربيع الشعب , ساجن عظيم الشعب ؟
ليه العباقره فى بلادى مجانين مهمشين مفلسين ومشردين ؟
ليه الخنافس فى الوطن مشهورين ؟
عيب الشعوب ؟ ولا الحكومه ؟ ولا ايه ؟
هل لرئيسنا سايبين رساله "
صديقنا العزيز : انت تحكم شعبا فيه خير الاجناد واسمى الانام واكرم الاجواد .. انت تحكم شعبا اذا تعلم اصبح ارقى الاقوام .. لابد عليك بما انك الكبير "ان لا تعلم هؤلاء . وان تخرس افواهم بالجوع والفقر والجهل وقله الحيله والمرض "؟؟ او ان تكون صانعا لشعب مادامت الشعوب فى كيانه . ماحفرت مقابر للغزاه الا فى اراضيه . ماجتمعت عدة اديانا الا فى واديه .؟
صديقنا العزيز فرعون " لن تكون فرعونا الا اذا علمت لهم جهلا ودمرت لهم عقلا وافلست لهم جيبا وقتلت لهم ثائرا وبيتت لهم فقرا
وشوهت لهم رمزا وفرقت لهم حزبا وجعلت كل ملازهم اكلا وشربا ثم كرشا ثم حماما لذيذا , ثم جنسا , ثم حماما لذيذا ثم نوما "
فى اى حال من الاحوال
لازم نكون مكملين , رافضين اسلوب حياه لجماع غنم , اسلوب عقيم , تفكير عقيم , تنفيذ غشيم . مايهمهوش الا السكوت فى شوارع اتخلق فيها معنى الصمود ,,,
ربنا يستر علينا وعليكم
